Davao City- Narekober sa Banaybanay Municipal police station Davao Oriental Police Provincial Office ang usa ka fragmentation grenade nga anaa duol sa usa ka dumptruck nga gi-parking sa bunkhouse sa usa ka construction site sa may Brgy. Puntalinao Dinagsaan Banaybanay, Davao Oriental.
Sumala pa sa inisyal nga imbestigasyon sa kapulisan nga bandang alas 7:35 sa kabuntagon, nakita sa mga trabahante ang usa ka granada nga gibilin sa ilang dumptruck hinungdan sa pagkalisang nila.
Dali silang nagpakitabang sa kapulisan ug gi-respondehan gilayon kini sa Explosive Operation Division Team sa Police Provincial Office uban ang Banaybanay Police.
Padayon ang imbestigasyon sa otoridad aron masuta og kinsay nagbilin sa granada
Samtang ang granada gikustodiya na karon sa kapulisan.
RadyoMaN Paul Canono
