Granada, nakaplagan

General Santos City—Usa ka granada ang nakaplagan sa usa ka menor de edad sa area sa Purok Vista, Barangay Sinawal, Gensan.

Subay sa blotter report sa Police Station 3 nasuta nga alas 5:00 ang takna sa hapon dihang nakaplagan sa bakanteng luna sa lugar sa batan-ong itago lang sa pangalang Alvin, 16 anyos, ang granada.

Sa pagtuong dulaan, gidala sa batan-on ang granada sa ilang balay ug gipakita ngadto sa iyang amahan.


Naalarma usab ang amahan sa batan-on dihang nakit-an niini ang granada mao nga gilayon kining mireport sa buhatan sa Police Station 2.

Gilayon nga girespondihan sa kapulisan ang report uban ang mga personahe sa Explosive ordnance Division (EOD).

Gikaingong ang nakaplagang granada ang aduna pay kapasidad nga mobuto. Sa karon ang maong eksplosibo ang anaa na sa kustudiya sa EOD.

Facebook Comments