ZAMBOANGA CITY–Un granada ya encontra anoche serca na outpost del maga CVO na kilometro 9, Mampang.
Conel mencionao grenada dayun ya tene que saca el maga miembro del Police Bomb Squad y ya lleva na diila opesina donde con este ya deposita para gende mas con este puede usa el maga mal gente.
Ta cre el maga otoridad el maga persona embuelto na droga progivido el quien ya larga con el explosiva serca na outpost como porma de amenaso amediante el fuerte operacion contra conel el maga persona tiene que hace en este clase de ilegal actividad.
Ya rendi tambien gracia el maga pulis del Tetuan na supervicion del hefe si Superintendent Nonito Asdai que nohay el quine ya atrivi mete con el explosiva porcausa puede este rebenta masquin cosa hora.
Apelo del pulis con el maga vivientes amo para reporta dayun na otoridad encaso tiene semblante incidente loque egual ya hace el maga residente del Mampang. — Dan Toribio
