Taguig City – Arestado ang isang grand finalist sa isang talent search sa TV sa isinagawang buy-bust operation ng Philippine Drug Enforcement Agency o PDEA sa Taguig City.
Kinilala ni PDEA Deputy Director General for Operation Gregorio Pimentel ang arestado na si Aaron Cruz, 25-anyos grand finalist ng Gandang Lalake Talent Search sa isang sikat na noon time show, freelance model at product endorser.
Kabilang sa mga naaresto ay si Geraldine Vitto, 22-anyos residente ng Block 12 Welfare Ville Compound sa Mandaluyong.
Ilang linggo ring isinailalim sa surveillance ang actor/model bago isinagawa ang buy-bust operation bago nakwelyuhan sa drug buy-bust operation sa 36th Street Bonifacio Global City Barangay Fort Bonifacio, Taguig City.
Nakuha sa mga suspek ang 84 na piraso ng ecstasy tablet, 8 botelya ng liquid ecstasy, 8 medium pack ng cocaine na may estimated value ng P1 million.
Aminado naman si Geraldine na siya ang may dala ng nakuhang party drugs.
Katwiran niya, napag-utusan lamang siya na i-deliver ang order at hindi niya alam na droga ang kanyang bitbit.
