Davao City – Miulbo ang grassfire kagahapong adlawa sulod sa Maa Public Cemetery sa tungod sa kainit nga nasinati sabay usab sa mga kandila nga gidagkotan sa mga tawo nga mibisita sa ilang mga minatay.
Bandang alas 3 sa hapon kagahapon samtang busy ang pipila ka mga tawo sa pag atiman sa mga nitso ug pagnilay-nilay nila sa ilang mga minatay diin pipila kanila ang nagdagkot sa kandila ug nagsunog og mga sagbot.
Wala damha nga mikanit ang maong kalayo ngadto sa wala na maintinang kabugangang bahin sa lugar ug miulbo ang kalayo.
Didto na miaksyon og kabalaka ang pipila ug maayo na lang anaa naka standby ang BDRRMC gani dali kining nakontrola.
Hinoon wala may natala nga napaso kun nasakitan sa maong insidente.
RadyoMaN Paul Canono
Facebook Comments
