An Northern Samar ipinaagi kan Governor Edwin Ongchuan an pinaka-una nga probinsya ha bug-os nga Pilipinas an nagpagawas hin Executuve Order No. 18 o an “Constituting Green Lanes for Strategic Investments.”
“Ang advantage kung magkaroon kami ng one-stop-shop, hindi na kailangan ng potential strategic investor na kausapin pa up to municipal level, dito na po sa probinsya ang aayos ng lahat. Ito ay tinatawag nating Green Lane, para mapabilis ang strategic investments kung saan dito na po mapapa-fast track sa tulong ng Board of Investments (BOI),” siring ni Ongchuan.
Kakulop, April 18, hi BOI Director Ernesto Delos Reyes Jr ha iya pagbisita ha Eastern Visayas, in gindayaw an pitad han Northern Samar nga magin pilot LGU nga magdudumara han mao nga programa.
“Malaki ang potensyal ng Northern Samar, unang-una sya ang gateway to Eastern Visayas, rich sa natural resources, young and talented workforce, nandito lahat maging ang strategic location ng Northern Samar,” siring ni Delos Reyes.
Gintikangan han provincial government an ‘green lane’ dida han Enero yana nga tuig 2024 ha sulod han provincial capitol.
Ipinaagi hine, napadali an pag proseso han pagkuha han business permits ngan licenses ha iba-iba nga mga municipyo, ilabi na an mga strategic investments ha sektor han clean energy sources, green metals, electronics, electric vehicles, pharmaceuticals, ngan iba pa.
Lakip na dinhi an pagsulod han dagko nga investors sugad han common cell sites project han Philtower Consortium, an Php 108 billion offshore wind power project han Copenhagen Infrastructure Partners ngan Aboitiz Infrastructure, sugad man an tidal energy project han Energies PH Inc., pinakauna ha Pilipinas ngan ha Southeast Asia.
An pagbutang hin green lane in usa gihapon nga mga programa ni Presidente Ferdinand Marcos ipinaagi han pag-issue hin Executive Order No. 18 dida han Pebrero nga nanunuyuan nga mapadali an pagdumara hin negosyo ha Pilipinas.
