Patay ang tulo ka mga bata sa pagbusikad sa usa ka grenade launcher ammunition sa panimalay ni Reger Galdiano didto sa Purok 6, Sitio Neptune, Barangay Diatagon, Lianga, Surigao del Sur alas 6:30 sayong gabii kagahapon.
Giila ang tulo ka mga bata nga napatay nga sila si Rynna Tiu, 12 anyos, Renz Galdiano, 3 anyos ug Reden Galdiano, usa ka tuig ang panuigon.
Dihang madawat sa Lianga PNP ug 75th IB ang hitabo dali kini nga miresponde sa lugar apan nakita na lamang sa mga otoridad ang tulo ka mga bata sa biranda sa panimalay ni Galdiano nga wala nay kinabuhi.
Migawas sa inisyal nga imbestigasyon nga samtang nagdula ang biktima nga si Renz Galdiano, gilabay niini M203 grenade launcher ammunition sa biranda hinungdan sa pagbusikad diin atua ang laing duha ka mga batang biktima.
