Sultan Kudarat – PATAY sa pagpamusil ang usa ka Guest Relation Officer (GRO) sulod sa Nemfa’s Beer Garden, sa may National Highway, Barangay San Pablo Tacurong City niadtong adlawng Lunes, Oktubre 8.
Giila ang biktima nga si Joy Basino, 23-anyos, residente sa General Santos City.
Subay sa report sa Tacurong PNP nasuta nga nakig-inum matud pa ang biktima sa iyang customer dihang kalit lang kining giduol sa tulo ka mga suspek dayon gipusil pila ka higayon nga hinungdan sa iyang kamatayon.
Paspas nga misibat ang mga suspek saw ala masayring lugar asmtang ang biktima wala na nadala pa sa hospital human nga nakabsan gilayon kini sa iyang kinabuhi.
Nasayran nga nakaangkon ug tulo ka mga samad pinusilan ang biktima sa iyangh ulo nga bahin nga maoy iyang gikamatay.
Sa pagpanubay sa kapulisan adunay giatubang nga kasong may kalambigitan sa RA 9165 o pagpayuhot ug iligal nga droga ang nahisgutang biktima. tungod niini usa sa mga anggulong ginatan-aw karon sa awtoridad sa pagpatay sa biktima mao ang illegal drugs.
