Davao City – Metikuluso ang proseso karon nga gihimo sa Mines and Geosciences Bureau o MGB XI sa pagpangita og luna nga relokasyon alang sa libuan ka mga residenteng apektado sa landslide sa Maco, Davao de Oro partikular na sa Barangay Masara.
Gibutyag ni Capter John Tubo, MGB 11 Senior Supervising Geologist, nagpadayon ang ilahang ground validation human sa gihimong aerial survey niadtong nakalabayng semana uban ang Office of Civil Defense XI ug sa Provincial Government sa Davao de Oro.
Gibutyag usab ni Mark Allan Abanilla, Geologist sa MGB XI, nga aduna na silay mga nakita nga mga posibleng kabalhinan.
Wala pay eksaktong mga lugar nga matumbok ang MGB 11 sa nagpadayong pagtuon kay dakong hagit kanila nga maseguro nga luwas ang mga tawong mubalhin sa maong lugar nga irekomendar nila sa LGU silbing mahimong relokasyon.
RadyoMaN Aimee Guinita
Facebook Comments
