Groundbreaking ceremony sang igapatindog nga Capiz PPO Daycare Center Project, ginpatigayon kahapon nga adlaw!

Roxas City, Capiz – Ginpatigayon kahapon nga adlaw ang groundbreaking ceremony sa igapatindog nga Capiz PPO Daycare Center Project sa Camp Teodorico Apil, Brgy Lanot, Roxas City.
Yara ang presenya sang asawa ni PRO-6 Regional Director John Bulalacao nga si Mrs. Maria Rosalinda F Bulalacao nga amu naman ang presidente sang Women’s Club sang PRO-6.
Sa iya mensahe, ginpanginbulahan ni Bulalacao ang Capiz PPO sa idalom sang pagdumala ni PSSupt Fuentes bilang pinakauna nga police provincial office sa rehiyon nga makapatindog sang child development center para sa PNP dependents kag mga kabataan nga malapit sa kampo.
Ang amo nga aktibidad ang gintambongan man sang mga opisyal kag hepe sang mga kapulisan sa bilog nga probinsya sang Capiz, Rev. Father Mark Q. Grandflor CSWDO head Mrs. Cynthia Besana, Mrs. Jemin Guillermo sang PIA-Capiz subong man mga katapo sang media.
Ang Capiz PPO Daycare Center Project ang isa ka inisyatibo sang Capiz PPO sa pagpamuno ni PSSupt Canilo A. Fuentes kapartner sang CPPO Provincial Advisory Council nga ginapamunoan ni Mr Ivan Chu.
photo © Capiz PPO PCR

Facebook Comments