Grupo ni LRY, OVY nagahingyo sa Yanson 4 nga hulaton ang ‘court order’ para indi maapektuhan ang mga sumalakay sang Ceres

965

BACOLOD CITY – Sa panibag-o nga tension nga nagluntad sa Bacolod Northbound Terminal kahapon, liwat nga gin-tipon kag gin-istorya ni Leo Rey Yanson ang iya mga empleyado.

Suno kay Leo Rey nga kon madesisyunan nga iligal sya nga presidente, siya na mismo ang magapanaug sa pwesto apang sa karon nga wala pa sang desisyon sa korte, dapat niya tindugan ang ila kompaniya kag iya nga iloy nga si Olivia nga amu ang tag-iya sang Yanson Group of Bus Companies.


Ginhingyo man ni LRY ang mga empleyado nga indi mag-padala-dala sang kwarta sang pihak nga grupo bangud nga ila ginapakig-bato amo ang putoro sang kompaniya kag indi lang ‘kwarta-kwarta’.

Kahapon ginpatigayon ang hearing sa sala ni Judge Eduardo Sayson sa Branch 53 sa Bacolod RTC sa diin wala pa nahisayran ang tanan.

Tingbon nalang sang huwis hearing ang duha ka mga injunctions, ang una nga ginfile sang grupo ni Leo Rey kag ang isa pa ka injunction nga ginpaapas ni Roy Yanson, upod ang iya tatlo ka mga manghod nga sanday Celina, Emily kag Ricky ukon mas kilala sa Yanson 4.

Sa Agosto 30, 2019 pa ang masunod nga hearing sa amu nga kaso.

Samtang wala pa, nagahingyo naman si LRY kag iloy nga si Olivia nga kon mahimo wala sang anuman nga lihok nga himuon nga makapalain sa operation sang kompaniya ang Yanson 4.


Nagakasubo sila bangod kay apisar nga pending ang kaso sa korte, padayon nga ginahimo sang Yanson 4 ang pagtake-over sa mga propedad kaangay sang shop nila sa Dumaguete City.

Para sa ila, status quo lang kon tani anay samtang wala pa sang mando ang korte para indi ini makatuga sang kinagamo sa mga security guards kag pagbahin-bahin sang mga empleyado.

Ang padayon nga pagtake-over sang Yanson 4 sa mga terminal nagatuga sang huol sa mga pasahero bangod sa pag-imponer sang bag-o sistema sa mga terminal.

Samtang, ginapahibalo man sang Vallacar Transit Inc. sa mga pasahero nga magapadulong sa Metro Manila sa diin ang mga Ceres Bus nga may byahe pa-Batangas ang sa karon yara sa Northbound Terminal kag wala na sa Southbound Terminal.

Facebook Comments