Pagadian City – Kasong paglapas sa Akta Republika 10591 kun Illegal Possession of Firearms, Grave Threats and Attempted Homicide ang gi-atubang karon sa 52 anyos nga lalaki nga responsable sa pagpamusil sa grupo sa kalalakin-an sa Purok Bakhaw B, Barangay Kawit, Pagadian City partikyular sa Nasa residence alas 6:30 niadtong sabado sa gabii.
Giila ang suspek nga si Fernando Malayan, security guard ug residente sa Purok Bakhaw A sakop sa nahisgutan nga Barangay.
Sa inisyal nga imbestigasyon nasayran nga samtang kamulo pagtagay ang grupo sa mga kalalakin-an ug naghikay usab ang biktima nga usa ka miyembro sa Cafgu nga nailang si Jemar Nasa, kalit nga niabot ang suspek nga armado sa caliber 38 revolver ug gipusil ang mga kauban sa biktima nga nag-inom rason nga nikaratil sila pagdagan sa lain-laing direksyon.
Swerte nga walay naigo sa grupo sa kalalakin-an apan dihang nisulay pagawas sa iyang pinuy-anan si Nasa gipusil usab kini sa suspetsado ug buenas nga wala maigo, human sa pagpamusil daling nisibat ang suspek paingon sa wala matino nga lugar.
Pinaagi sa tabang sa mga opisyales sa Barangay nitahan ang akusado 30minutos ang nakalabay human sa nahitabo ug nakuha sa iyang posisyon ang usa ka unit Caliber .38 revolver nga dunay lima ka mga bala.
