Grupo sang mga mangunguma, liwat nagpadulong sa opisina sang gobernador agud makapangayo sang bulig bangud sang epekto sang El Niño sa ila pangabuhian

Liwat nga nagpadulong sa opisina ni Governor Arthur Defensor Sr. ang grupo nga Paghugpong sang mga Mangunguma sa Panay kag Guimaras ukon PAMANGGAS agud mahibaluan kon ano ang mabulig sang provincial government sa mga mangunguma sa probinsya nga apektado sang El Niño phenomenon.

Suno kay Lucia Capaducio , chairperson sang PAMANGGAS, kinahanglan na gid sang mga mangunguma ang binhi kag rice subsidy bangud apektado na ang ila pangabuhian tungod sang malawig nga tig-ilinit.

Apang ginpahayag ni Capaducio nga gintudlo sila sang gobernador sa Sangguniang Panlalawigan bangud wala gihapon napasar ang resolusyon agud magdeklarar sang state of calamity sa probinsya sang Iloilo.

(photo credit to the owner)