Grupong LENTE mubantay sa eleksyun

Aktibo ang Legal Network for Truthful Election (LENTE) dinhi sa dakbayan sa Butuan alang sa pagbantay sa barangay ug Sangguniang Kabataan (SK) election, karong adlaw’ng Lunes. Ang LENTE usa ka non-government organization (NGO) nga gimugna sa Integrated Bar of the Philippines (IBP) ug gilangkuban sa mga abogado ug estudyante sa abogasya aron magbantay sa eleksyon alang sa malinawon, limpyo ug katoohan nga resulta sa piniliay, diin kaabag sa grupo ang Parish Pastoral Council for Responsible Voting (PPCRV). Gipasabot ni Trisha Deparini, information officer LENTE Butuan nga makatutuk ang ilang organisasyon sa paghimu ug affidavit kung adunay modangop sa ilang buhatan aron ireklamo ang mga kandidato nga naglapas sa balaod sa eleksyon ug pasakaa’g kaso sa COMELEC. Siguradohon lamang ang insaktong dokumentasyon sa mga kalapasan nga nahimu ug kinahanglan adunay “personal knowledge” ang kinsa ma’ng modangop sa ilang buhatan.
Gipakusgan sa LENTE ang adbokasya batok sa vote buying ug vote selling, pinaagi sa voters education nga gipahigayun sa St. Joseph Cathedral sa dakbayan sa Butuan ug Sacred Heart of Jesus Parish sa dakbayan sa Bayugan, Agusan del Sur.

Sent from my Samsung Galaxy smartphone.

Facebook Comments