Roxas City, Capiz – Guilty ang nangin pamatbat sang korte sa kaso nga paglapas sa Republic Act 9165 ukon Comprehensive Dangerous Drugs Act of 2002 sa isa ka high value target drug personality kag anay miyembro sang PNP nga si Bobby Legaspi sang Barangay Maloloc Norte, Ivisan, Capiz.
Sa ginpaguwa nga desisyon ni Regional Trial Court, 6th Judicial Region Branch 18 Presiding Judge Ignacio Alajar, life imprisonment kag multa nga P500,000 ang sentensya kay Legaspi.
Sa madumduman nga ginserbihan sang search warrant si Legaspi sang Philippine Drug Enforcement Agency (PDEA) Region 6 sadtong Abril 21 sa sini nga tuig. Narekober sa puluy-an sang anay pulis ang isa ka daku nga sachet sang shabu nga nagabug-at sang 53.64 gramos.
Facebook Comments
