Ginpamatbatan nga guilty sang Malolos City Regional Trial Court si Ret. Army General Jovito Palparan may kaangtanan sa kaso nga kidnapping kag serious illegal detention sadtong 2006.
Base sa pamatbat ni Judge Alexander Tamayo, kaangay man nga pamatbat ang ginpapanaog kanday Lt. Col. Felipe Anotado kag S/Sgt. Edgardo Osorio.
Magapangatubang ang mga ini sang reclusion perpetua ukon life imprisonment.
Madumduman, nag-umpisa ang kaso sang mga nasambit nga opisyal sang ginkidnap sang mga ini ang duha ka estudyante sang University of the Philippines nga sanday Sherlyn Cadapan kag Karen Empeño sa Hagonoy, Bulacan sadtong June 26, 2006.
Sang 2011, nakakita ang Department of Justice sang probable cause agud pasakaan sang kaso ang mga nasmabit nga opisyal.
2014 sang nadakpan ang mga ini sa Sta. Mesa, Manila.
Photo from web
