Maayon, Capiz – Patay ang 38-anyos nga lalaki matapos nga ginbuno sang kaugalingon nga tiyo sa Barangay East Villaflores, Maayon, Capiz sang nagligad nga gab-i. Ginkilala ang biktima sa kay Darwin Denosta residente sang nasambit nga lugar. Base sa inisyal nga imbestigasyon sang mga kapulisan, may nagpatunga nga pagbinais-bais sa tunga sang biktima nga si Denosta kag tiyo sini nga si Renato Davas, 60-anyos ang edad.
Bangud sang kainiton sang pagsabtanay sang duha, gulpi nga naggabot sang matalum nga hinganiban si Davas kag ginbuno ang hinablos nga si Denosta apang nakabalos ang biktima. Nagkuha sang armas luthang ang biktima kag gintiro ang tiyo kag naigo ini sa nawala nga bahin sang butkon, magluwas sa tiyo, naigo man sa buli ang 12-anyos nga apo ni Davas.
Wala na matabangan pa ang biktima nga si Denosta bangud sang kadalum pilas sini tuga sang pagbuno, samtang naka hospital arrest naman ang suspek nga si Dava. Padayon pa sa karun ang imbestigasyon Maayon PNP angut sa nasambit nga insidente.
