Pagadian City, Zamboanga del Sur- KALISUD ug pag-antus sa paglibot-libot sa mga bukirang parte sa Zamboanga del Sur ug silingang probinsya ang nagtuklod sa tulo ka miyembro sa New People’s Army nga mokanaog ug mo-ampo sa kasundaluhan.
Nitahan sa ilang kaugalingon sila si Paulino Macasling Laurete Jr., taga lungsod sa San Miguel, Roselyn Danago Terez lakip ang igsuon niini nga si Doly Danago Terez pulos nagagikan sa lungsod sa Dinas , human nga labihang kalisud nga ilang nasinati ug natilawan sulod sa kalihukang komunista nakahukom ang tulo nga motahan.
Ang mga misurrender nagkanayon nga sila sakop Communist Party of the Philippines-New People’s Army (CPP/NPA) ubos sa SYP – KARA nga gidumala ni Jonathan Cruz aka “Nathan”.
Gumikan sa kabudlay nitahan ang mga nahisgutan ngadto kang Ltc. Virgilio Hamos Jr., Commander 53rd Infantry ( Matapat) Battallion sa nga nakabase sa Guipos, Zamboanga del Sur.
Dala sa mga rebel returnee ang ilang isyu nga M1 garand rifle ug duha ka cal. 38 revolvers.
Ang mga kanhi rebelde gilayong gipailawom sa tactical interrogation ug de-briefing aron ipailawom kini sa proteksyon sa kasundaluhan.
Gumikan sa kalampusan gidayig ni Col. Jacinto Bareng ang ang commander sa 102nd Brigade ang 53rd IB.
Tag: RMN DXPR Pagadian 603
