Manila, Philippines – Bumagsak sa kamay ng mga operatiba ng Station 1 ng Manila Police District (MPD) ang isang hinihinalaang drug pusher na nasa drug watch list matapos na mahulihan ng baril sa isinagawang Simultaneous Anti Criminality and Law Enforcement Operation sa Moriones Street kanto ng Franco Street Tondo Manila.
Nakilala ang suspek na si Jeasie Rocero 27 anyos residente ng Victor Lope Compound Barangay 93 Tondo Manila.
Ayon kay P01 James Van Pebinito nagsagawa ng Simultaneous Anti-Criminality and Law Enforcement Operation ang mga operatiba ng Station 1 ng MPD sa Moriones Street kanto ng Franco sa Tondo Manila dahil sa napaulat na kilalang pusher sa lugar bukod pa sa nasa listahan ng drug watch list ang suspek.
Narekober kay Rocero ang isang sumpak at plastic sachet na may lamang hinihinalaang Shabu.
Paglabag sa RA 10591 o Illegal Possession of Firearms at RA 9165 o Comprehensive Dangerous Drug Act ang isinampa ng pulisya laban sa suspek.
