Davao City- Ipatuman sa Davao City Police Office (DCPO) ang gun ban sa entero syudad sa Davao subay kini sa hugot nga seguridad atol sa selebrasyon sa ika-38th Kadayawan sa Davao.
Sa interbyu sa DXDC kang Police Captain Hazel Tuazon, DCPO Spokesperson, gihulat na lang karon ang approval sa PNP national headquarters sa ilahang gi-request nga suspension sa permit to carry firearms outside of residences (PTCFOR).
Base sa request sa DCPO, ipatuman ang gun ban sa Davao karong Agosto 18-25,2023.
Ang gitugotan lang nga makadala’g armas atol sa Kadayawan gun ban period ang mga uniformed personnel partikular na ang kapulisan, Task Force Davao ug uban pang law enforcement unit nga maghatag og seguridad sa dakbayan.
RadyoMaN Aimee Guinita
Facebook Comments
