Nagsugod na ang gun ban kaina sa tungang gab-i may kaangtanan sa sangguniang kabata-an (sk) kag barangay elections.
Suno kay Jonathan Sayno sang City COMELEC, nagsugod ang election period 12 midnight kaina tubtob sa Oktubre 30.
Ini bangud suno kay Sayno, wala pa sang laye nga naga-postpone sa SK kag Brgy. Elections.
Magluwas sa gun ban, ginadumili-an man ang pagdala sang mga makamamatay nga hinganiban kag mangin masangkad man ang mga checkpoints.
Magasugod naman ang filing sang certificate of candidacy (coc) sa oktubre 5 tubtob 11, samtang ang campaign period ang masugod naman sa oktubre 12 tubtob 21.
Ang mga kandidato sa sk election ang dapat naga-edad sang 18 tubtob 24 anyos, samtang ang sk voters naman ang naga-edad sang 15 tubtob 30 anyos.
Ang SK kag barangay election ang hiwaton sa oktubre 23, 2017.
