Naglab-ot na sa 36 ang nadakpan sang kapulisan nga naglapas ginapatuman nga COMELEC gun ban.
Sa 36 ka arestado, 11 ang nadakpan sa syudad sang Bacolod, 11 sa probinsya sang Negros Occidental, 7 sa probinsya sang Iloilo, 2 sa Aklan, 2 sa Antique, 1 sa Capiz, 1 sa syudad sang Iloilo kag 1 sa probinsya sang Guimaras.
Sa 36 ka nadakpan nga violators, nagresulta ini sa pagkakumpiskar sang 22 ka pusil kag 10 makamamatay nga hinganiban ukon bladed weapons.
Nadakpan ang mga ini sa checkpoint operations kag ang iban nadakpan sa ginlunsar nga operasyon sang mga otoridad.
Nag-umpisa ang gun ban sang Enero 13 kag magatapos sa Hunyo 12, 2019.
Facebook Comments
