Igapatuman sang Iloilo City Police Office ang gun ban sa kapiyesatahan sang Jaro buwas nga adlaw, Pebrero 2.
Ini agud masiguro nga mangin matalunsay kag matawhay ang pagsaulog sang Jaro fiesta.
Nag-umpisa ang pagpatuman sang kapulisan sang kanselasyon sang permit to carry firearms outside of residence ukon ptcfor kahapon nga adlaw kag magalawig tubtub sa Lunes, Pebrero 3.
Katuyuan sang gun ban nga malikawan ang pagluntad sang gun related incidents sa pagselebrar sang kapiestahan ni Nuestra Seniora dela Candelaria.
Ginahingyo sang kapulisan sa publiko nga magkooperar sa ginapatuman nga security measures sang kapulisan agud malab-ot ang ila target nga zero crime incidents sa Jaro fiesta.
Facebook Comments
