Niadtong Domingo (Pebrero 6, 2022), sa dihang naaresto ang usa ka Javier Parato, 34 anyos, minyo ug residente sa Calabanga, Camarines Sur tungod sa gun ban, diin nakuhaan ang suspek og (1) Cal .38 revolver with (2) rounds of live ammunition samtang misulay kini og sulod sa Davao City sakay sa iyang truck.
Sa susamang adlaw, dakpan usab samtang sakay sa bus ang usa ka Ronald Tidoy, 28-anyos, single ug residente Sto. Niño, Matina Crossing, Davao City, human kini nakuhaan og 1.56 gramos nga marijuana nga nagkantidad og P187.
Sa interbyu sa DXDC RMN Davao kang Colonel Darren Comia, Task Force Davao (TFD) Commander, gibutyag niini nga gikan Enero 1, 2022 hangtud karon, anaa na sa 16 ang dinakpan sa Davao Border Control Checkp0ints kabahin sa iligal nga droga nga mukantidad og P189,000 kung sumadahon. Samtang, anaa sa duha (2) ang naaresto paglapas sa COMELEC Gun Ban.
Padayon ang panawagan sa TFD Commander ngadto sa publiko nga mokooperar sa ginapatumang seguridad sa kasundalohan ug kapulisan ilabina ang Anti-Terrorism Campaign nga “May Nakita, Dapat Magsalita”.
“Giawhag nako ang tanan nga makig-cooperate. Suportahan ang security forces sa atoang gipatuman na mga strict security measures,” sulti ni Comia.
RadyoMaN Kirby Manzon
