Davao City – Mokabat sa 23 ka mga violators sa Election Gun Ban ang naaresto dinhi sa Police Regional Office XI sukad niadtong Enero 13-Enero 30, 2019.
Sa interbyu sa RMN Davao kang PRO XI spokesperson P/Chief Insp. Jason Baria nga gipasakaan na og kasong may paglapas sa Election Gun Ban ug Illegal possession of firearms and explosives ang maong mga dinakpan.
Giila ang mga naaresto nga sila Analiza Arquillano, George Arquillano, Reynan Lover Adame, Arnel Repollo, Renier Pedroso, Alex Mandabon, Joey Relox, Marklou Garcia, Jack Matambonoy, Renante Villegas, Bryan Poquita, Marlon Carredo, Geverola Sarinas, Jonathan Taub, Alcidre Magamayo, Renante Andig, Roaids Reyes, Kenneth Navarro, Dominador Cebuco Jr., SPO1 Henry Estimada, Amer Dapigan, Amsur Amil ug Milba Cruan Basal.
Ang mga giingong nisukol-patay atol sa mga operasyon mao sila Julius Buot, Joven Molijon, Louie Jimenez, Ben Mark Gonzales ug William Millano.
Gibutyag ni Baria nga base sa rekord sa Regional Election Monitoring Action Center dinhi sa Davao Region mokabat sa 30 ka mga assorted firearms diin 17 niini mga pistola ug revolvers, 13 ang mga rifles ug shotguns ang nasakmit.
Wala usab makalusot sa mga checkpoints ang 4 ka mga bladed weapons, 4 ka mga granada ug 6 ka mga ekskplosibo ug 319 ka mga ammunitions ang nakumpiska sa mga otoridad.
Sumala ni Baria nga naka-heightened alert ang PRO XI human usab sa nahitabong pagpamomba sa cathedral sa Jolo Sulu ug mosque sa Zamboanga.
Sa mas intersify nga checkpoints lauman sa mga awtoridad nga mas musaka pa ang ihap sa mga madakpang mga kriminal ug mga violators ilabina pila na lang kabulan una ang May 13 Midtern 2019 Elections.
RadyoMaN Aimee Guinita
