Muerto el un myembro dle gun for hire syndicate na provincial de Basilan desfues este imbisti con el mga otoridad ayer.
Na report del Mando Policia Rehiyunal 9 el insidente ya ocuri na BarangayTampalan, isla de Malamawi donde el mga personajes del Isabela Police Station ya conduci operasyon na mensyonao lugar desfues sabe el presensya de Ben Haramain Hapas, native de Barangay Moboh Basakan, Mohammad Ajul que suspechao na matansa con Kagawad Alhassen Kaya.
El suspechao junto con cuantos mga armao compañero tambien cuando ya fuede canila columbra el mga otoridad. El mga suspechao alegaomente ta hace embuscada con Dennis Baakal, residente del mismo lugar y un myembro del CAFGU, donde cuando ya fuede sila mira con el presencia del mga otoridad ya anda estos imbisti rason para resulta na cuantos minutos engcuentro entrel mga otoridad.
Desfues del engcuentro ya muri si Ben Hapas porcausa con cuantos mga irida de bala na deferentes parte del cuerpo. Ya fuede tambien recuvri na su posesyon un caliber 45 pistola con magazine y mga bala, mientras el su mga compañero ya fuede escapa y ta hace pa aura embuscada el mga otoridad na provincia. – Bhong Simbajon/RMN News
