Gun for hire nga tigpayuhot usab og ginadili nga droga patay dihang nisukol sa otoridad

45

Dinas, Zamboanga del Sur – Wala makabastar ang maigmat nga usa ka gun for hire nga tigpayuhot usab og illegal nga droga, dihang nisukol sa otoridad, dihang gisilbihan og Search Warrant niadtong sabado didtong dapita sa Purok 1, Brgy. Nian, Dinas, Zamboanga Del Sur.
Armado ang otoridad sa Search No. 2020-002 sa kalapasan sa Akta Republika sa 10591 kun Comprehensive Firearms and Ammunition Regulation Act diin target ang suspek nga si Samsudin Tantong Manlay, 35 -anyos, residente sa nasangpit nga lugar.
Ang operasyon nisangko sa pinusilay dihang nisukol matud pa ang target sa operating team nga niresulta sa kamatayon niini. Nakuha sa posisyon sa napatay nga suspek ang usa ka calibre 45 nga pistola diin dunay usa ka magazine og daghanang bala.
Nahipos usab ang color gray nga sling bag, pitaka ug usa ka Granada. Base sa listahan sa Directorate for Intelligence (DI) ang suspek usa ka gun for hire nga naglihok sa probinsya sa Zamboanga del Sur ug top priority target nga illegal drug pusher sa lungsod sa Dinas. Dali ra usab nga gipahiluna ang napatay nga suspek base sa Muslim tradition.

Facebook Comments