Manila, Philippines – Kinumpirma ni PNP Chief Dir. Gen. Ronald Dela Rosa na-neutralize na ang suspek sa pamamaril at panununog sa Resorts World-Manila sa Pasay City kaninang madaling araw.
Sinabi ni Dela Rosa na nagpakamatay ang suspek matapos na magsunog sa kanyang sarili sa room 510.
Ayon sa PNP Chief, lumalabas na humiga sa kama ang suspek, nagkumot at binuhusan ang paligid ng gasolina saka sinilaban ang sarili.
Napasugod kaninang madaling araw sa area si Dela Rosa kasunod ng naganap na insidente kung saan noong una ay kumalat pa ang umano’y pag-ako ng ISIS sa pamamaril at panununog.
Pero, pinabulaanan ni Dela Rosa na may kinalaman sa terorismo ang nangyari sa hotel.
Inaalam din ngayon ng mga otoridad kung may problema sa pag-iisip ang lone gunman.
Bukod sa backpack na laman ang milyong-milyong katumbas na chips, narekober din ang isang submachinegun at .380 na pistola na sunog din.
Inabot ng ilang oras na lockdown na ipinatupad ng PNP sa paligid ng hotel and casino.
DZXL558
