*Emosyonal ang kapikas ni Kapitan Felicisimo Imok Rupinta dihang niatubang ug positibong niila sa nadakpan nga usa sa mga suspek sa pag-ambush ug pagpatay sa barangay kapitan didto sa Yati Liloan niadtong Huwebes sa gabii .*
*Si Jocelyn Mendoza wa makapugong ug gitulisok gyud si Largo sa ilang panag-atubang .*
*Ang suspek nga si Jimmy Largo , 41 anyos nagpuyo ra usab sa Barangay Ermita ug didto nadakpan sa mga sakop sa Regional Special Operations Group -7 pinanguluhan sa hepe niini nga si Supt. Rey Magdaluyo kagabii .*
*Si Police Regional Office -7 director , Chief Supt. Jose Mario Espino nibutyag nga si Largo usa ka ex-convict ug nalambigit sa ubang mga wa maresolbar nga krimen sa syudad sa Sugbu .*
*Giisip usab kini nga high value target sa kapolisan ug naa sa watchlist sa PDEA-7.*
*Nakuhaan kini ug mga armas , granada ug ilegal nga drugas .*
*Matud ni Espino sa pagka-aresto ni Largo nailhan na usab nila ang mastermind ug ubang suspek sa pagpatay ni Rupinta .*
*Gitataw ni Espino nga dili politika ang motibo sa krimen kung dili may kalabutan sa trabaho ni Rupinta sa barangay .*
*Gipasalamatan ni Espino ang pagtinabangay sa lain laing units sa kapolisan alang sa dinaliang kasulbaran sa pagpatay ni Rupinta .*
