Dear Mikee Gua,
Maayong gabie sa tanang naminwa karun gabi-ona ug sa mga avid nga mga advisers matag gabi-e.Kanunay gyud kong gapaminaw sa imuha matag gabie ug makakat-on gyud ko sa mga problema nga gaipadala sa kahanginan.
By the way una sa tanan tawaga lang ko sa pangalan nga Rochelle taga Kibaghot Laguindingan , 33 ang edad ug dalaga chubby-hon nga babae,pero dili gyud kaayo tambok sakto,dili gyud pod kaayo anah gyud ka guapa sakto lang.
Ug sa tinuod lang mIkee naa man koy uyab karun ug muabot na ug 2 years ang among relasyon ni Rolando si Rolando ang klase nga lalaki nga hilumon,naa ga trabaho sa construction,moanhi-an lang siya sa ako ug mubisita diri sa balay, pero sa mutou kag sa dili wala pa gihapoy nahitabo sa amo nga buot unta naku nga mahitabo nga naa nay mahitabo, pero wala gyud bisag kas-a.
Busa mao ning nga problema ang dili kaayo naku masabtan kung nganong ing-ani.
Sa tinuod lang ba putli pa gihapon ko hangtod karun wala pa gyuy nakatandog sa ako bisan isa.
Nagkauyab ko kaniadto pero wala nagdugay mga 2 ka bulan ra ang gidugay tapos adtong naghangyo siya sa ako-a nga maghimu daw mi ako siyang diretsong gibulagan.
Hangtud karon wala pa man gud ko ka-try anang romance sama sa akong mabasahan sa pocket book kanang gabuhaton sa mga magtiayon,
Gusto na unta ko motilaw ana nga putahe pero akong uyab dili man mokablit nako.
Hadlok pud ko basin moabot na akong pagka-menopause. Karun pa naku na realize nga gusto ko nga naa koy liwat ug kinahanglan nga makatilaw na gyud ko pero dapat didto sa lalaki nga akong ubanun hangtod sa ako mutigulang.
Sige man kog damgo nga nagkaisa daw me ibabaw sa kama pero hangtud karon wala man gihapon mahitabo.
Sulod sa 2 years namong panag-uyab ni Rolando taman ra gyud mi sa gakus ug halok pero dili gyud madayon ang akong buot mahitabo.
Palihug tabangi ug tambagi ko ninyo.
Rochelle
Kibaghot Laguindingan.
