Davao del Sur – Gi-file na sa Digos PNP kagahapon ngadto sa Prosecutor’s Office ang kasong Robbery ug Illegal Possession of Fire Arms and Ammunition batok sa suspetsado nga guwardiya nailang usa ka Edgar Unting, 26 anyos, nagpuyo sa Sto. Niño Brgy. Igpit, Digos City.
Kahinumdoman nanglungkab ang suspek alas 3:30 sa kaadlawon niadtong milabayng gabii didto sa pinoy-anan sa usa ka maglive in partner nga sila si Bebeth Deala ug Michael Bryan Pasaforte didto sa Purok Gemelina General Lim Ext., Brgy. San Miguel, Digos City.
Sumala ni SPO1 Arsenio Limpangog, imbestigador sa Digos PNP nakompiska sa possession sa suspek ang sling bag, usa ka 9mm taurus pistol with marking Philippine National Police apil ang pito ka bala, usa ka magazine, usa ka cellphone ug cash nga kwatro mil ka pesos lakip ang usa single nga motorsiklo.
Ang 9mm pistol nga gipanag-iyahan sa usa ka police nga ginganlan og SPO2 Benjie Sacare Gemina.
Nigawas sa imbestigasyon sa kapolisan sa Digos nga ang suspetsado nga si Unting siya gihapon ang naglungkab sa panimalay sa naasoy nga police nahitabo niadtong petsa uno sa bulan sa Nobyembre sa kasamtangang tuig.
RadyoMaN Don Pulayao
