Patay ang gwardiya sa planta sa Pepsi sa Barangay Agusan ning syudad human gipusil sa iyang kauban kagabei.
Matud ni Police Major Abdul Alim Sumandar, ang Station Commander sa Police Station 6 Puerto- naila ang biktima nga si Christopher Erana, 41 anyos, Detachment Commander, taga Iligan City samtang suspek naila nga si Joy Cabahug, 45 anyos, taga Danao, Patag, Opol, Misamis Oriental.
Matud ni Major Sumandar nga nahitabo ang insidente pasado alas syete kagabei samtang gipahigayon ang guard mounting o inspection sa mga gwardiya.
Nasayran nga nagkalalis ang duruha hinungdan sa pagpusil sa suspek sa biktima.
Samtang samad sa ulo nga bahin ang naangkon sa biktima hinungdan sa iyang kamatayon.
Matud ni Matud ni Police Major Abdul Alim Sumandar, ang Station Commander sa Police Station 6 Puerto- nga gisulayan pa og dala sa Sabal Community Hospital sa Barangay Puerto ning syudad ang biktima apan gideklara kining dead on arrival.
Human sa insidente, daling nagpahigayon og hot pursuit operation ang kapolisan hinungdan sa pagkasikop sa suspek sa Barangay Agusan samtang sakay sa iyang motorsiklo.
Nasayran nga ang duruha ang ubos sa all nation security agency.
Sa karon nakatakdang pasakahan og kasong murder ang suspek.
