Davao City – Gitigbas ang usa ka security guard sa usa ka lalaki alas 7:00 sa kagabhion sa Barangay Suawan Marilog District siyudad sa Davao.
Sumala sa report gikan sa blotter sa Marilog PNP ang biktima naila sa pangalan nga usa ka Josua Villanueva, 21 anyos nga taga Sitio Talisay sakop sa maong barangay samtang ang suspetsado mao si Aldoy Samson, 21anyos nagpuyo sa Suawan Proper ning siyudad.
Sa gilusad nga inbestigasyon sa kapulisan sa Marilog PNP, samtang ang biktima kauban ang iyang uyab sa usa ka internet cafe ginadisturbo sa suspek ang girlfriend ni Villanueva hinungdan sa paglalis sa duruha.
Sa dihang namauli na ang biktima kauban ang iyang girlfriend kalit kini gibabagan ni Samson ug gitigbas hinungdan nakaangkon ang biktima og samad tinigbasan sa walang liog lakip ang walang tudlo niini.
Human sa hitabo ang suspek daling misibat sa wala matino nga lugar.
Narekober sa kapulisan gikan sa crime scene ang ang usa lagaraw nga maoy gigamit sa suspek.
Ang biktima gidala sa Isaac T. Robillo Memorial Hospital sa Calinan aron matambalan samtang giandam na sa kapulisan ang kasong frustrated murder batok sa suspect.
RadyoMaN Don Pulayao
