Davao City – Patay na nga nakit-an ang usa ka gwardiya sulod sa iyang boarding house sa may Brgy. Ubalde Del Pilar Ext.R. Castillo siyudad sa Davao.
Sa report gikan Sta Ana PNP, ang biktima nailang Darwin Ave, 22 anyos, lumad nga taga Kabatangan Lanao Del Sur.
Sa imbetigasyon sa kapolisan sa Sta Ana, sumala pa sa ka-boardmate ug kauban sa biktima sa trabaho nga si Chady Rizardo iya gitext si Ave nga moduty sa trabaho apan wala na kini gitubag sa biktima.
Gumikan niini, gitadtoan niya ang lawak sa maong gwardya ug pugsanon giabrihan ang purtahan diin iyang nakit-an ang biktima ug gisuwayan og pukaw apan wa na kini kamata.
Matud pa sa igsuon sa biktima nga si Aprilyn Ave, nga kining iyang igsuon dunay gihambing nga balatian.
Nasuta sa kapolisan nga walay foul play ang kamatayon sa biktima samtang ang patayng lawas niini gidala na sa Angel Funeral Homes ug gipailawom na og otopsiya aron masayran kun unsay hinungdan sa kamatayon niini.
RadyoMan Don Pulayao
