Davao City – Gi-areglo sa San Pedro Police Station human nangayo’g pasaylo ang bana ngadto sa gwardya nga gituhoang mitaban sa asawa.
Sa report gikan sa San Pedro Police Station, ang gwardya nga si alias Victor, 26 anyos, Pob.Talagutong, Don Marcelino, Davao Occidental, samtang ang bana si alias Peter, 32 anyos, taga Agdao ug laing duha ka mga kauban nga sila alias Peter ug Noli.
Saysay ni Victor, igo lang niya gitabangan ang asawa ni Peter nga didto magpuyo sa ilang lugar tungod kay nilayas ug wa na nibalik sa iyang bana, hinungdan kagahapon nakit-an ang gwardya samtang nagkuha sa iyang sweldo sa ilang agency sa Bonifacio St., ning syudad, gitabangan ug kulata miresulta sa pagkabun-og sa nagkadaiyang parte sa lawas.
Sa gihimong inbestigasyon sa kapulisan, di na mopasaka ug kaso ang gwardya batok sa bana.
RadyoMaN Don Pulayao
