General Santos City—Posebling mag-atubang kasong frustrated homicide ang usa ka gwardya nga naila sa pangalang Elizer Cablitas 50 anyos nakabase sa Makar wharf residente sa may Saging Street, Barangay Dadiangas South kansang maoy mipusil sa driver sa MRay container yard nga naila sa pangalang Robert Recla, 32 anyos, lumulopyo sa Olarte Village barangay Labangal.
kini subay na sa pamahayag ni PCI Renato Salarda labaw sa Police Station 2.
Kahinumduman nga banda alas 10:45 sa buntag una nang nagkalalis ang duha sulod sa Makar Wharf gumikan matud pa sa pagparking ni Recla sa gimanihuan niining sakyanan nga hinungdan sa pagbingkil sa mga nasampit.
Bulontaryo usab nga mitahan sa iyang kaugalingon sa Police Station 2 si Cablitas bitbit ang 12 gauge shotgun niini ug pipila ka mga buhing bala. (Ray Sabillo)
