Gibutyag sa Israel’s Defense Ministry nga posibleng mulungtad pa og pipila ka bulan ang gubat tali sa Hamas apan paningkamutan nga kini na ang pinakaulahing pagpangatake sa militanteng grupo.
Samtang, gikan October 7, 2023 kanus-a nagsugod ang gyera, natala ang giingong pinakabayolenteng pagpangatake sa Israel sa Gaza Strip karon lang Oktubre 23 diin matud pa sa Palestinian Health Ministry, sobra 260 ang namatay sulod lang sa 24 oras.
Sa kapin 4,000 Palestinians nga nakabsan og kinabuhi, dul-an 2,000 niini mga bata ug gilayong sagad sa mga patay’ng lawas sa biktima gilubong nalang sa mass grave sa Gaza.
Gikabalak-an usab karon sa mga sibilyan ang giingong pagpamomba sa Israel ngadto sa lain pang mga nasud lakip na ang Syria, Lebanon ug Egypt.
RadyoMaN Ivy Parido
Facebook Comments
