Gisikop sa kapulisan ang usa ka habal-habal driver human napalitan og druga mga alas 9:30 kagabie sa Tambaling 2, Barangay PSB, El Salvador City.
Matud ni Police Supt. Randy Anito, Acting Chief of Police sa El Salvador City Police Station nga ang suspek mao si Heartly Jay Maricuelo, 29 anyos, minyo ug taga Zone 3, Barangay Ulaliman sa maong syudad.
Gibutyag ni Supt. Anito nga si Maricuelo usa ka drug listed personality ug napalitan sa duha ka sachet sa gituohang shabu gamit ang 500 pesos nga buy bust money.
Nakuha usab gikan sa suspek ang laing duha ka sachet sa gituohang shabu, 450 pesos, pitaka, duha ka aluminum foil, celfon ug motorsiklo.
Facebook Comments
