Dead on the spot ang anay drug surenderer makaligad nga luthangon sang wala pa nakilal-an nga mga suspetsado sa atubang mismo sang iya balay alas 3:45 subong nga hapon sa Purok Ilang-ilang, Brgy. New Pangasinan, Syudad sang Koronadal.
Walo ka igo sang bala ang nagtapos sa kabuhi sang biktima nga ginkilala kay Cleto Cabrido “alyas”boyet, 51anyos, may asawa, habal-habal drayber kag residente sang nasambit nga lugar.
Suno sa iya mga kaingod, ginaaligar nga ginlagas suno pa ang biktima samtang nagasakay sa iya motorsiklo padulong sa iya sini balay sang wala nakilal-an nga mga suspetsado sakay sa single motor.
Pag-abot suno pa malapit sa atubang sang iya balay, nagpundo suno pa ini kag ginhulat ang naglagas nga mga suspetsado, sa diin hinali ini nga ginluthang sang wala pa natumod nga armas.
Halos sa ulo naman ang igo sang biktima nga nangin tunaan sang hinali nga kamatayon.
Sa subong padayon pa ang ginahimo nga imbestigasyon sang Koronadal City PNP sa motibo kag kun sin-o ang responsabli sa krimen.
Pipila ka oras lamang ang nagliligad patay man sa pagpangluthang si Brgy Kapitan Baltazar Bermil sang Brgy Topland, syudad sang Koronadal sang riding tandem.
