Kini ang gikumpirma ni Tagum PNP Chief of Police Lieutenant Coronel Jeffrey Latayada atol sa pakighinabi kaniya sa DXDC RMN Davao News Team pinaagi sa tawag sa telepono.
Suma ni Latayada, gipaagi sa usa ka inquest proceeding ang pagsang-at og kaso batok sa habal-habal driver nga giilang si Ricky Jimenez, 48 anyos, ug nagpuyo sa Barangay Visayan Village, Tagum City, Davao Del Norte.
Kasong Act of Lasciviousness ang gisampa nga kaso sa kapulisan batok sa suspek.
Kahinumdoman, paingon na pa-uli unta ang pasaherong babaye nga giila lamang nga si Alyas Meri, 30 anyos dihang giingong nahitabo ang pagpanghikap sa suspek sa paa sa biktima.
Giingong misukol og milugnot ang biktima hinungdan natumba silang duha sa kasagbutan sa Purok Dara, Barangay Visayan Village sa maong syudad niadtong adlaw’ng Biyernes sa miaging semana.
Nakapangayo og tabang ang biktima maong paspas nakaresponde ang mga barangay pulis sa lugar hinungdan nadakpan ang suspek nga gilayon gi-turnover ngadto sa kapulisan nga miresponde sa panghitabo.
Sa karon, magpaabot na lamang ang kapulisan nga ma-elevate sa korte ang kaso aron mabalhin na sa prisohan nga gipadagan sa BJMP ang maong habal-habal driver.
RadyoMaN Joel Viray
