Landig tambalanan ang usa ka habal -habal driver human kini giluba sa iyang kainom alas 5 kapin kun kulang ang takna sa hapon kagahapong adlawa sa sulod sa merkado ning dakbayan sa Iligan.
Ang biktima naila sa pangalang si Ruben Realampagos, 42 anyos minyo, usa ka habal-habal driver ug molupyo sa purok mangga barangay tubod ning syudad sa Iligan, samtang ang maong suspetsado naila lang nga usa ka “Oliver” hingkod ang panuigon, taga Barangay Suarez ning dakbayan .
Matud pa sa biktima, nga simpleng panagbikil lang sa inum ang hinungdan sa ilang away nga miresulta sa pagsumbag sa biktima ngadto sa maong suspetsado.
Milakaw matud pa ang suspek, ug pagbalik, dala niini ang buak nga botelya sa ilimnom ug dayong dunggab sa kuto-kuto ug li-og sa biktima hinungdan nga dali kining nadala sa City Hospital.
Samtang ang maong suspesado, nagtingkagol karon sa mabugnaw nga selda sa Presento Singko samtang gihulat ang tukmang kaso batok kaniya.
