TACLOBAN CITY – Ginpusil-patay an usa nga habal-habal driver ha Brgy.Barbo, Dulag, Leyte kasangkulop, July 23.
Subay ha report han PNP Regional Office 8, ginkilala an biktima nga hi Alexander Busa Asis, 59 anyos, may asawa, residente ha Brgy. Rizal, Dulag, Leyte.
Nagawas ha imbistigasyon han mga otoridad nga nagmamaneho an biktima han iya motorsiklo ha national highway han Brgy. Rizal han tigda nala umabot an mga suspek sakay han unidentified vehicle ngan ginpusil an biktima dapit ha wala han iya irok.
Nadara pa an biktima ha Leyte Provincial Hospital pero dead on arrival na ini.
Nagpapadayon naman an imbistigasyon han mga otoridad kun ano an pangilal- an han mga suspek ngan kun ano an motibo han krimen.
Facebook Comments
