Liloy, ZDN-Nakaangkon ug samad pinusilan ang duha ka mga biktima human kini sila pusila sa wala mailang mga tirador, didto kini nahitabo sa may Brgy. Babay, Liloy, ZDN sa miaging martes sa may 6:58PM.
Ang mga biktima mao sila si Danny Jone Acosta Relativo, 25 anyos usa ka habal-habal driver, taga Brgy. Cadelaria, LIloy, ZDN nga kung diin nakaangkon ug samad pinusila sa iayang hita lakip sab nga nakaangkon ug samad pinisulan si Tidilito Transmonte Del Rosario, 21 anyos usa ka driver sa truck nga taga baybay Liloy, ZDN.
Sa pag imbistiga sa PNP Liloy, ang biktima nga si Danny Jone nakakita kini ug lalis sa lain ra usab nga habal-habal driver didto sa Bus terminal sa lungsod sa Salug, ZDN.
Human sa ilang panaglalis, aduna kini gihatod nga pasahero si Danny didto sa Fatima Liloy, ZDN, gikan sa Salug Bus Terminal.
Samtang kini si Danny pauli sa ilang panimalay didto sa Candelaria, Liloy, iyang nakita ang iyang kauban nga si Tidilito Del Rosario duol sa Montaño Sand and Gravel didto sa Baybay, Liloy, ZDN nga nag inom kini uban sa mga barkada.
Hinungdan nga iyang giparada ang iyang motor ug miapil kini sa inom niadtong higayona.
Kapila lang ka minuto ang nilabay, nakadungog sila ug duha ka masipa nga buto sa armas gikan sa wala mailang mga suspetsado gamit ang calibre .45.
Human sa panghitabo daling nga miikyas ang mga suspek ngadto saw ala matino nga direksyon, samtang ang PNP Liloy padayon ang pagpangita sa mga responsable aron manubag sa maong pagpamusil.
