Patay ang usa ka habal-habal driver human kini gipusil sa riding in tandem alas 8 kapin kun kulang ang takna kagahapon sa buntag, sa Purok 5 Barangay Saray ning atong syudad.
Naila ang biktima nga si Gary Garcia alyas dodong , 41 anyos lumupyo sa nasangpit nga Barangay.
3 ka igo sa pipila ka parte sa lawas ingon man sa ulo ang naangkon sa biktima hinungdan sa iyang kamatayon.
Narecover sa crime scene ang mga bala sa kalibre .45.
Sumala pa, nga giduolan ang biktima sa usa sa mga suspek samtang nag alley sa nasangpit nga dapit ug kalit na lang kining gipusil,
Nakadagan pa ang maong biktima, apan gumikan sa bikil sa iyang paglakaw, naapsan kini sa maong suspek ug didto na gihimo ang dugoon nga krimen.
Daling misibat ang mga suspek gamit ang motor nga color green nga walay plate number.
Padayon pa ang gihimong imbestigasyon sa mga otoridad sa motibo sa maong panghitabo.
