Habal-habal driver sikop sa drug buy-bust operasyon

117

Dipolog City – USA ka habal-habal driver ang nasikop sa kapolisan atol sa buy-bust operation kagahapon mga alas 10:45 sa gabii sa may Purok Buli, Barangay Minaog, dakbayan sa Dipolog.

Giila ang suspetsadong nasikop nga mao si Joel Lagutiman Sabijon, 45 anyos, minyo nga residente sa susamang dapit.


Sa nahipos nga report gikan sa Dipolog City Police Station nasayran nga nagmalampuson ang gipahigayong drug buy-bust operation sa Police operatives/Dipolog City Drug Enforcement Unit (CDEU).

Nasayran nga nakuha gikan sa posisyon sa suspetsado ang usa ka dakong pakete og tulo ka gagmay’ng pakite sa gituohang shabu, mga drug paraphernalia sa druga ug buy bust money nga P500 pesos.

Sa pagkakaron ang maong suspetsado ang anaa na sa Dipolog PNP Detention Cell alang sa pagpaabot sa tukmang kaso nga ipahamtang batok kaniya.

Facebook Comments

From Advertisers