Samaran ang 36 anyos nga si Reynante Mambiar nga usa ka habal-habal driver ug nalandig karon sa Vicente Sotto Memorial Hospital. Siya mao ang suspek sa pagpatay sa 29 anyos nga si Marie Alexie “Maxi” Bolongaita nga usa ka Radio Dj ug usa pud ka call center agent.
Sa mga photos pud nga kuha sa broadcaster nga si Rowena Capistrano naay nakit-an nga tsinelas duol sa apartment sa biktima nga posibleng gipanag-iya ni Mambiar. Sa fb post pud ni Cebu City Councilor Dave Tumulak gipakita ang mga gamit sa biktima nga nakaplagan sa pinuy-anan sa suspek. Naa ang mga bag ug cellphone sa biktima. Naa po’y nakit-ang sinina nga gihumolan sa balde nga naputos og dugo sa tawo. Suma pa sa otoridad nga dako’g tsansa nga pagpangawat ang motibo sa maong suspek sa pagbuhat sa krimen.
Sa mga photos pud sa fb page sa pamantalaan nga The Freeman didto makita nga naay samad sa toong abaga ang suspek ug sa wa nga bahin sa iyang aping duol sa ilong. Suma pa sa report sa otoridad nga nakit-an pud sa crime scene ang .22 revolver nga naa pa’y sud nga mga bala ug lima ka kabhang nga posibleng maoy gipusil sa dughan sa biktima. Nakit-an pud didto ang 46-inch long nga bolo o sundang.
Atangi ang ubang pang detalye sa maong balita.
