South Cotabato—Angol ang usa ka security guard human kining gitigbas sa kawatan didto sa Bravo Pineapple Plantation, nga nahimutang sa Purok Pag-asa, Barangay Linan, Tupi, South Cotabato alas 7:20 sa gabie niadtong nakalabayng adlaw.
Biktima giilang si Rolando Sino, 35, minyo, security guard ug residente sa Barangay Cebuano, Tupi.
Subay sa inisyal nga imbistigasyon sa Tupi PNP nasuta nga nag roving ang maong gwardya sa maong plantasyon, dihang may nakit-an kining lalaki nga adunay dala nga sako
Iya kining gisita dungan sa pagpangayog tabang sa iyang opisyal apan kalit lang matud pa kining giduol sa suspek dayon gitigbas igo sa nagkandaiyang parti sa lawas.
Paspas nga misibat ang suspek sa wala sayring lugar samtang ang biktima daling gidala sa ospital ug pabilin pa karon nga nagpaalim sa iyang samad. Sa karon nag padayon pa ang gihimong imbistigasyon sa kapulisan kalabutan sa insidenti.
