Davao City – Giawhag karon ang tanang non-pork servant nga mga business players nga iparehistro ang ilang negosyo aron mahimo kining certified halal product.
Atol sa nahitabong iSpeak Forum karong adlawa, gibutyag ni Universal Islamic Center president Marilou Ampuan nga aduna nay napulo ka mga establisemento ang na-certify isip tigpamaligya og halal products.
“Base from the Department of Tourism (DOT) Halal Project, the ten certified Halal businesses are: Marco Polo, Pearl Farm, Team Hat, Villa Margarita Kitchen, SPMC kitchen, Sunny Point, El Bajada, Hijo Resort, and Bacari,” segun ni Ampuan.
Gani, aron mas pakusgan ang kampanya sa Davao isip ‘Muslim-Friendly Tourism Destination’, ilusad ang Halal Week karong umaabot nga Mayo 1 hangtod 5 diin kini subay sa 3rd Annual Philippine Halal Trade & Tourism Expo nga adunay temang ‘Focus Integration on Philippine Halal Trade &Tourism towards Global Market.’
Saysay sa presidente sa Universal Islamic Center, tumong niini nga ma-incorporate ang mga konsepto ug prinsipyo sa Halal nga subay sa pamatigayon ug turismo sa parehong Muslims ug non-Muslims
Dugang niini, tambungan ang maong aktibidad sa unom ka mga Halal certifiers nga nag gikan pa sa managlahing lugar.
Sa kasamtangan giila ang Top 6 ka mga syudad sa Pilipinas kinsa dakong suporta sa mga produktong Halal nga mao ang Cebu, Palawan, NCR, Zamboanga, Cotabato ug Davao.
RadyoMaN Jason Amisola
