Zamboanga del Norte – Halapad nga brownout ang masinati sa membro konsumante sa Zamboanga del Norte Electric Cooperative, Inc. kon (Zaneco) karon adlawa, gumikan sa maintenance activity sa Mahayag-Roxas 69KV line nga ipahigayon sa National Grid Corporation of the Philippines (NGCP).
Magsugod ang pagkapalong sa supply kuryente alas 7:00 sa buntag paingon sa alas 6:00 sa kahaponon.
Sa power advisory gipagawas sa ZANECO nasayran nga ang pagkapalong sa supply sa kuryente kabubut-on sumala pa sa NGCP nga apektado ang Obay, Polo, Piao ug Irasan Substations.
Gipaklaro sa ZANECO nga ang apektadong lugar gikan sa lungsod sa Rizal paingon ngadto sa lungsod sa Sindangan, buot pasabot apil na niini ang dakbayan sa Dapitan ug Dipolog.
Facebook Comments
