Ang Department of the Interior and Local Government (DILG) mipahat kini og P5 Million nga pundo pinaagi sa Enhanced Comprehensive Local Integration Program kun E-CLIP alang na sa pagtukod og Half way House dinhi sa lalawigan sa Zamboanga del Norte.
Ang mga kanhi rebelde dinhi sa lalawigan dili madugay aduna nay halfway house nga temporary shelter ilang pagapuy-an samtang kamulo pa giproseso ang ilang mga papales aron mupailawom sa E-CLIP usa kini ka programa sa gobyerno alang sa mga former rebels nga gustong mubalik sa sabakan sa gobyerno.
Sa memorandum nga nadawat gikan sa Regional Office sa DILG, kinahanglan kini 2-storey Building, adunay dormitory rooms alang sa mga lalake ug sa babaye, office room, training room ug entertainment room alang sa mga kanhi rebelde.
kini hiniusang pagadumalahon sa Philippine National Police, Philippine Army , kagamhanang Probinsyal ug sa PSWDO.
Sa nasayran sa E-CLIP meeting nangita pa ang LGU isip maoy counterpart sa maayung lokasyon nga tukuran sa Halfway House.
Sa pagkakaron kamulo pa giandam og giproseso ang mga dokumento nga gikinahanglan alang sa pagtukod sa maong temporary shelter alang sa rebel returnees.
Ang halfway house usa kini ka temporary nga residensya nga sibling processing center alang sa mga former rebels.
Bag-ohay lang adunay unom ka mga former rebels ang natagaan og cash incentives gikan sa kagamhanang probinsyal og sa DILG ilawom na sa E-CLIP.
Ang nasangpit nga Financial Assistance nga ilang nadawat isip maoy sinugdanan sa ilang bag-ong kinabuhi human sila mibalik sa sabakan sa gobyerno.
Sa nasayran sa DILG, sa Regiona IX , bugtong ang Zamboanga del Norte pa lamang ang nagatagaan og P5 Million nga pundo alang sa pagtukod sa halfway house .(PIC-ZSM)
